ВЛАДИМИР ПРОВЧИ ( 1946. - 2025.)
МАТУЛЇ – РУСКИ ПОЕТА И МАЛЯР ВЛАДИМИР ПРОВЧИ УМАР 12. ОКТОБРА, У СВОЇМ 80 -ТИМ РОКУ.
Владимир Провчи Руснак, народзени 15. 6. 1946. року у Миклошевцох при Вуковаре. Школовал ше у Сербиї, Горватскей и Словениї, а 1969. року дипломовал на Висшей медицинскей школи у Беоґрадзе. Робел у фаху на руководзацих местох у шпитальох, а 2007. року пошол до пензиї.
Владимир Провчи автор вецей як 20 збиркох рускей поезиї, праве тельо и бул активни у Културним дружтве Руснацох и Українцох „Рушняк“ Приморско-ґоранскей жупаниї, на чиїм чолє ше находзел як предсидатель Дружтва. Од снованя Дружтво „Рушняк“ було член Союзу Русинох и Українцох РГ, 2014. року пременованого до Союзу Русинох РГ зоз чиїх рамикох вишло 2024. року и предлужело самостйно робиц на отримованю руского националного идентитету у РГ.
Жил у Матульох при Опатиї. Писал поезию по руски, а вец ю прекладал на горватски язик. У його поезиї єст досц автобиоґрафски елементи, а шицки збирки мали успишни промоциї. Найвекша часц виданих творох Владимира Провчия друковани у виданю Союзу Русинох РГ зоз финасийну потримовку Совиту за национални меншини РГ.
На културних манифестацийох Владимир Провчи ше представлял зоз своїм руским идентитетом през писню и любов ґу своєй меншинскей припадносци, а цеком живота почитовал шицки народи и народносци. У рамикох културних активносцох Владимир Провчи бул и маляр хтори ше зоз виставами своїх малюнкох представлял на числених Союзових манифестацийох ( Петровским дзвону, Дню Руснацох РГ, кулутурней манифестациї Миклошевци, на Подобових колонийох у Альмашу и индзей, а викладал и у других местох у РГ як и у иножемстве, у України, Словацкей, Сербиї итд.)
Зоз йоґо одходом Руска заєднїца у РГ страцела значного културного дїяча.
За собу охабел ожалосцену супругу, сина, дзивку, унучата и праунучата.
Вична му памят!
Редакция Новей думки
