На власну инициятиву, под час роботней нащиви Вуковару, амабасадор України у РГ, Олександр Левченко, з другим тайомнїком амбасади Ярославом Симоновим, 20. юния 2014. року, стретнул ше з предсидателями културно-уметнїцких дружтвох, членох Союзу Русинох РГ, з ведуцима Созюу Русинох РГ и Координациї рускей националней мешини РГ та дїячами Созюу Русинох РГ и Ради ВСЖ.
Амбасадор поинформовал о стану у України и замодлєл потримовку за витворйованє миру у України чийо вояки - у тих хвилькох водза моцни борби на востоку жеми процив росийских сепаратистох, як то гуторел амабасадор Левченко.
Присутни були поинформовани и о тим же шицки плановани проєкти по питаню було якого софинанцированя тераз застановени бо шицок пенєж идзе на охрану.
Амбасадор поволал присутних на дальше сотруднїцство у шицких културних и гуманитарних збуваньох з обидвох бокох а окреме же би ше руска заєднїца уключела у потримовки цаловитосци Українскей держави, включно з Кримом, котри у тих хвилькох анектовани з боку Русиї.
