ОСИЄК - У орґанизациї КУД-а Руснацох Осиєк, а з финанцийну допомогу Совиту за национални мешини РГ та Осєцко-бараньскей жупаниї, як и з допомогу у натури Осєцкей пивовари д. д., Бон арт подприємства з Кули и Обер Ланч бару з Осиєку, у Осиєку од 17. по 19. юний отримана 9. Подобова колония. Участвовало 7 малярох з Войводини и Горватскей котри охабели красне число малюнкох до фундусу КУД-а Руснацох Осиєк. З Войводини були Лидия Барна, Тамара Барановски, Серафина и Силвестер Макаї та Владимир Дороґхази а з Горватскей ше одволали лєм Мирослав Одавич и Роберт Ерделї док други поволани мали нєодложиви обовязки.
Колонию заварла предсидателька КУД-а Руснацох Осиєк, Агнетка Балатинац, котра поєдинєчно представела малярох и малюнки котри намальовали на Колониї. По службовим завераню Колониї ушлїдзело друженє членох КУД-а Руснацох Осиєк з малярами а тамбурова орхестра и члени хору, одшпивали даскельї познати руски шпиванки.
Заверанє Колониї звелїчала и предсидателька Союзу Русинох РГ, Дубравка Рашлянин котра источашнє и член КУД-а Руснацох Осиєк.
Агнетка Балатинац
