ВИНКОВЦИ - Державна смотра фолклору Винковски їшеню отримана пейдзешати, юбиларни раз од 11. до 20. септембра 2015. Року. Назва «Под вельким нїбом» превжата зоз наслову кнїжки Влади Андраловича. Сценаристица проф. Ана Цвенич, пояшнєла же тота назва Винковскох єшеньох през 50. роки указує же шокецке шерцо як горизонт котри ше претворел до моря под вельким нябом.
Славония подручє на котрим чловек навики охабел шлїдзи своєй роботи на жеми, а так исто и духовни и културни живот шицких людзох котри ту жию.
Винковски єшенї постали популарно-знанствени сход жридловей култури котри вишли зоз души наших людзох, вони чуваре кедишнього валала, звичайох и писньох.
Винковски єшенї почали 11. септембра зоз манифестацию «Фолклорни вечари» на котрих ше представели понад осемдзешат фолклорни ансанбли зоз Вуковарско – сримскей жупаниї и иножемства.
Винковски єшенї допринєсли оживльованю роботи фолклорних ґрупох и снованю нових КУД-вох у котрих ше пестує писня, драма, музика, танєц и обновлюю народни ношнї.
Тим фолклорним дружтвом пошвецени Фолклорни вечари на котрих захоплюю зоз жридловим шпиваньом, котри обновюю прадки, звичаї за час шатви, косидби, зарукох, женїдби итд. Наступ петровчаньох одушевел публику на фолклорних вечарох 16. септембра 2015 року а тиж и фахови жири котри мал лєм шицки похвали за виступ наших аматерох котри ше представели зоз венчиком руских народних танцох под назву «Танцовала би я танєц та за танцом» Петровчанє уж традицийно на каждих єшеньох на котрих презентую жридлово танци и народне облєчиво руснацох того краю. а публика була одушевена и нє жалєала руки же би закляпкац вредним аматером
Же би єшенї були цикави уведзене и участвованє ансамблох националних меншинох, и окреме проґрам за дзеци «Дзецински винковски єшенї» на корих участвовало понад седемдзешат КУД-ох у дефилею и котри наступели и на сцени Винковских єшемьох..
Винковски єшенї постали ориґиналне жридло жридловей музики и култури котру можеме покласц до шора найрозвитших и найзначнєйших смотрох у Републики Горватскей.
Святочни дефиле шицких учашнїкох 50. « Винковских єшеньох» и парада свадзебних кочох озберал коло 10000 учашнїкох, и понад 80 КУД-ох, скарбнїком фолклорних традицийох найвекшей державней манифестациї жридлового горватского фолклора.
Учашнїки святочного дефилею закончели на фудболним стадиону «Цибалия» на котрим ше шицки учашнїки лапели до єдного кола и одтанцовали «Славонске коло» найвекше коло на швеце.
