СВИДНЇК - На 61. швету култури у Свиднїку котри ше отримал од 19. по 21.06.2015. року участвовал и Союз Русинох Републики Горватскей зоз своїма чланицами и то КУД “Яким Гарди” зоз Петровцох и КУД “Яким Ґовля” зоз Миклошевцох Перши дзень манифестациї у Свиднїку отримани вецей програми и то: мальованя на асвалту — дзецински конкурс, школа народного танцу, округли стол українских писательох у Поддуклянскей библиотеки а у музею українсксй култури у Свиднїку отворена вистава малюнкох Ана Баршовска - Немцова, а у предлуженю виведзена драма Квитки Основяненко «Путачки на Гончарове", у виводзеню драмского колектива 'з Ряшова.
Програма под назву “ Гийо гета на конїчку” роспочала ше прохрама дзецинских ансамблох зоз Словацкей. После дзецох наступели у програми гу животному ювилею, “Шпиваночки мойо” . “Одкаль до нас госци пришли” на котрей помедзи Україну, Сербию и Словацку наступели и маматере зоз Горватскей и то зоз Рускима шпиванками и танцом зоз «Горнїци» Миклошевчанє, На Фестивалу наступел и КУД Жатва зоз Коцура.
Нєдзельова програма роспочала зоз Службу божу у храме св. Параскеви у Сканзену, а у музею народней архитектури отримана Етнографично-фолклорна програма”При маюри”
Програма ше наставела зоз концертом духовней музики у виводзеню оркестра зоз зоз Прешова.
Програма “А так було” отримана зоз найкрашима домашнїма ансамблами. У предлуженю програми «Богадство зоз родней груди» наступели иножемни ансамбли зоз України, Словацкей Сербиї и Горватскей мези котрима було и КУД “Яким Гарди зоз Петровцох, котре ше представело зоз хором и двома писнями, а миклошевски танцоше поновели Горнїцки танєц..
