ОСИЄК- У орґанизациї КУД-а Руснацох Осиєк и з допомогу у кнїжкох Союзу Русинох РГ, 28. фебруара 2015. року, у просторийох КУД-а Руснацох Осиєк, отримани литературно-музични вечар и промоция кнїжки «Дом у шерцу» авторох Меланиї Пап и Звонимира Барни.
Поезию читали члени КУД-а Руснацох Осиєк и госци з Вуковару як и Звонимр Барна. У музичней часци участвовал хор и тамбурова оркестра КУД-а Руснацох Осиєк котри одшивали штири пригодни шпиваники. Окремну музичну часц з виводзеньом шпиванки «Качмар дай нам вина» на ґитарох, у нєзвичайним аранжману през рижни музични файти, приготовели Владимир Саша Силика и Оґнєн Здравкович. А Оґнєн Здравкович на клавиру одграл Шопенов Ноктурно у Б-молу.
Модератор вечара була Агнетка Балатинац а о кнїжки бешедовали главна и одвичательна редакторка информованя и видавательства Созюу Русинох РГ, Вера Павлович, редакторка збирки поезиї Любица Гаргай и рецензент Блаженка Будимчич.
                                                                                                                                          А.Балатинац