НОВСКА - З нагоди означованя Дня Варошу Новскей и св. Луки, защитнїка церкви КУД-во «Шубч» зоз Новскй 10. октобра 2015 року под покровительством варошу Новскей у спортскей дворани штреднєй школи орґанизовало 14. фолклорни стретнуца «Луково у Новскей» и 2. Медзинародни фолклорни стретнуца у Новскей. Шицких присутних привитал и отворел манифестацию городоначальнїк варошу Новскей Владо Класан.
Понад двогодзиновей програми писньох и танцох и богатство народного облєчивапублика могла уживац у наступох фолклорних ансамблох и то: шпиваске дружтво «Фердо Русан» Вирє, Словацке дружтво «Иван Брнїк Словак» зоз Єлисавцу, КУД «Младосц» Босанска отока, фолклорни дружтва «Мийо Ступарич» Велика Лудина, «Ґраничари» Лужани, КУД «Репушница» Репушница, «Єка» Горватска Дубица, КУД «Яким Гарди» Петровци и як домашнї КУД «Шубич» Новска. После наступа фолклорних ансамблох на вельким патосу дворани зоз тамбурову орхестру «Златни струни» шицки учашнїки наставяли танцовац и шпивац у вельким заєднїцким колу.
