У орґанизациї КУД-а Руснацох Осиєк, 13. октобра у просторийох Дружтва, отримани Мемориял «Владимир Тимко».
Того року навершело ше 10 роки як нас напущел, у своїм 55 року живота, Владимир Тимко, член и єден зоз сновательох Дружтва. Йому на чесц и здогадованє на його доприношенє рускей култури и обстойносци Руснацох на тих просторох, орґанизує шє Мемориял котри ноши його мено.
Предсидателька КУД Руснацох Осиєк, Татяна Миклош, з пригоднима словами евоцирала памятки на Владимира Тимка а попри членох Дружтва, привитала и Дубравку Рашлянин, Предсидательку Союзу Русинох РГ, та Агнетку Балатинац, Представнїцу рускей националней меншини Осиєцко-бараньскей жупаниї.
У службовей часци слухали ше руски шпиванки и бешедовало о живоце и роботи Владимира Тимка а у нєслужбовей одбавени турнир у столним тенису.
Бавели: Владимир Еделински, Томислав Мишир, Зденко Филипович, Хелена и Татяна Тимко та Оґнєн Здравкович.
Перше место освоєл Оґнєн Здравкович, друга була Татяна Тимко, а треци Зденко Филипович.
Скромни награди бавячом додзелєла ґдовица покойного Владимир, Славица Тимко.
А. Балатинац
