В нєдзелю, на швето Евхаристиї, у миклошевскей грекокатолїцкей церкви Рождества Пречистей Дїви Мариї до св. Тайни Причасци приступели троме хлапци: Патрик Сабадош Кристиян Миклош и Антун Ґайчевич. Дзень пред тим вони ше перши раз споведали же би до своїх чистих шерцох прияли под видом хлєба и вина Исуса Христа. На Служби Божей котру служел о. Яким Симунович, парох миклошевски, наглашел окремносц тей подїї у живоце каждого християна котри на тот способ постава полноправни член парохийней заєднїци. Хлапци ше за тот подїю духовно пририхтовали три роки зоз чесну шестру на годзинох виронауки як и зоз паноцом Симуновичом у остатнїх даскельо дньох.
По Служби родичи, фамелия, числени парохиянє и першопричашнїки провадзели процесию Святу зоз св. Тайнами, а дзивчата руцали квеце опрез паноца. На остатку дзеци ше фотоґрафовали з оцом Симуновичом котри им подаровал Спомини на тот значни дзень у їх духовним живоце.
Ксения Лїкар
