На поволанку тамбуровай школи Баторек, до Осиєку пришол хор хлапцох з Мукачова (їх коло 30) котрого водзи маестро Володимир Волонтир. То хлапци од 8 по 17 роки котри шпиваю духовни, церковни и народни шпиванки познатих композиторох як цо то Бортнянски, Леонтович, Лисенко а дзепоєдни композициї компоновал и сам дириґент Волонтир котри у України припознати як композитор сучасних композицийох за хор и оркестер.
Наступели 3. юния 2014. року у церкви св. Чирила и Метода, после служби Божей. Концерт котри пририхтали, патраче прияли з одушевеньом бо таке майсторске виводзенє з боку малих хлапцох, Осиєчанє нє маю нагоду часто слухац и патриц. Моцни аплауз после каждей писнї доказал .же Осєчаньом хибя таки змисти. На концу, хор хлапцох одшпивал "Многая лїта" як подзекованє домашнїм и патрачом а патраче поставали зоз своїх карсельох и длуго кляпкали хлапцовскому хору.
