ОСИЄК - Всоботу, 19. марца у орґанизациї городу Осиєку, отримана уж традицийна манифестация "Шарани вайца у фарбох городу". То манифестация котра ше уж роками отримує всоботу пред Квитну нєдзелю а наявює приход Велькей ноци и яри.
На штандох котри заберали цалу площу у центру городу участвовали 56 рижни здруженя, на 90 штандох медзи котрима и КУД-o Руснацох з Осиєку, котре представело Велькопосни и Вельконоцни єдла и писанки.
Источащнє, на бини ше зменьовали наступи 12 културно уметнїцких дружтвох. КУД-o Руснацох Осиєк до госцох поволало подросток КУД-a "Осиф Костелник" з Вуковару котри на централней бини одшпивали три дзециньски шпиванки. Виводзаче були Клара и Кристиян Миклош а провадзела их оркестра КУД-a "Осиф Костелник".
Окремна комисия каждого року преглашує найкрасше ушорени штанд и найкрасши писанки. Того року МКД «Брача Миладиновци» достало награду за найкрасши штанд а за найкрасши писанки преглашени писанки Матици словацкей з Осиєку.
После успишнного наступу, Представнїца рускей националней меншини ОБЖ, Агнетка Балатинац, одведла подросток КУД-a "Осиф Костелник" з Вуковару до, дзецом найцикавшиго ресторану, Мек Доналдсу, дзе ше почасцели з єдлом и пицом а достали и кажде по бависко.
Вецей слики можеце опатриц на фейс буку rusini. hr
