ОСИЄК - У орґанизациї КУД Руснацох Осиєк а з финацийну потримовку Совиту за национални меншини РГ, 30. октобра отримана манифестация «Видзене з камеру».
Манифестацию отворела Агнетка Балатинац, Представнїца рускей националней меншини Осєцко-бараньскей жупаниї и членїца КУД Русанцох Осиєк, бо єдна часц членох Дружтва, на чолє зоз предсидательом, пре хороту и фамелийни обовязки нє могли буц присутни.
Манифестация, у рамикох Мемрияла Владимир Тимко, першираз того року отримана у таким формату а насампредз пре пандемию COVID-19. Члени КУД-а мали нагоду на конкурс хтори тирвал єден тидзень, послац по три власни фотоґрафиї на хторих Осиєк лєбо природа коло Осиєку, хтори ше потим шифрирали а вец их жири препатрал и оценьовал. Жири творели: Ясминка Ванчура, Тихана Здравкович и Мирко Рибич.
По одлученю предсидательства, од єдного автора могла буц вибрана лєм єдна фотоґрафия за награду.
На конкурс, хтори тирвал тидзень днї, присцигли фотоґрафиї шейсц авторох. Змагали ше: Зденко Сивч, Гелена Тимко, Гелена Шобан, Татяна Тимко, Оґнєн Здравкович и Агнетка Балатинац.
Жири одлучел же 3. место освоєла Гелена Шобан, 2.Татяна Тимко а 1. Агнетка Балатинац.
После преглашеня побиднїкох и дозельованя наградох, члени Дружтва остали ище єден час вєдно у приємней розгварки алє пре епидемиолоґийни мири, без шпиваня и танцованя.
Агнетка Балатинац
